熊市呢一年多 大家過得幾好嗎？
好耐冇update過Blog, 因為黎到新地方由零開始真係幾忙下。今日就一次過同大家分享下我呢一年嘅生活啦😃 圖一：我由細開始就好鍾意打拳，但喺香港跟本冇時間追夢，dse, 讀大學，返工令我高中開始就冇機會好好練拳。黎到加拿大有返啲work life balance. 日日操拳幾個月之間啲腹肌返晒黎。 圖二：喺香港一直有教開拳，黎到日日去打拳，打到拳館請埋我做part time教練。有幸同前國家隊仲有前MMA選手做同事，係佢地身上學到好多野，無論係拳法同教學技巧都進步左好多。從此仲可以好型咁同人講，黑人都跟我學拳！ 圖三： 黎到先開始接觸街頭健身，努力左一段時間成功hold到幾秒human flag同做到下muscle up. 圖四：本身想快啲考返護士牌，但呢邊政府做野太慢，成年都未考得，唯有自己搵啲野讀。成功考到個地產牌（呢邊地產牌難考過香港十倍，要先讀個大半年嘅大學online course再考個好難嘅試）。 圖五：成功考到class 4 unrestricted 車牌（等於香港嘅的士牌加旅遊巴牌） 圖六：差唔多玩晒成個BC，仲揸埋車過隔離省banff國家公園玩！ 圖七：請左爸媽過黎體驗兩個月外國生活，實現左車佢地周圍玩嘅夢想。 最後，成功攞到PR啦！ 黎緊呢一年嘅目標係考返護士牌，睇多啲書，再操fit啲，事業上更上一層樓！ 熊市唔止係用黎儲貨，更重要嘅係，無論熊市定牛市，都要令每一日嘅自己都比昨日有進步，呢一年我過得好充實，你地呢？